fbpx

Досадно на трака

0 Comments

Дали понекогаш ти станува досадно на трака за трчање

Го имаш ли истото чувство кога се работи за трчање и ти е досадно на трака како и сите останати? 🙂 Не проаѓа време, или трчаш и постојано си на исто место. Едноставно пребрзо ти здосадува.

Епа ако заклучивме дека е подобро да одиш во твојата омилена фитнес локација и да те понесе вежбачка атмосфера, сега ќе треба уште да ти помогнеме со некои совети што ќе ти помогнат да си го “зачиниш” трчањето на трака.

1. Прави промени во висината и косината на траката

Доколку имаш среќа да трчаш на понова и помодерна трака ќе имаш можност да си играш со висината на траката што ќе ти ја крши монотонијата и ќе ти овозможи да чувствуваш напор макар и со пешачење.

2. Планирај ја музиката пред време

Иако многу луѓе “плукаат” по технологијата и ја обвинуваат дека ги здебелува со тоа што ги врзува за кревет или столица, сепак и не е баш така. На пример со твојот телефон денес можеш да си направиш листа со песни пред да одиш на трчање. Одбери песни што ти изнудуваат добро расположение, насмевка и желба за играње :). Времето ќе ти помине побрзо и ќе бидеш помотивиран да дадеш интензитет на трчањето. Дури можеш да пробаш и со некое видео на твојот телефон, серија или концерт. Но, ова не е препорачливо доколку сакаш да направиш интервален тренинг со спринтови.

3. Интервален тренинг

Ова е прашање на личен избор и желба. Но, кога се работи за здосадување од обичното џогирање на трака, интервалниот тренинг е супер. Од друга страна во многу пократок период може да направи многу поголем трошок на калории и да ти ја зголемува кондицијата.

На пример пробај 45–60 секунди спринт со ниво на брзина на трака 7/10 и потоа 30–45 секунди џог или пешачење со брзина на трака 3/10. Вежбање на овој начин во рок од 30 минути драстично ќе го подобри твојот капацитет на кардиоваскуларниот систем.

4. Уживај во неизвесноста

Помодерните траки за трчање денес имаат и други функции. На пример можеш да си зададеш предизвик да потрошиш одреден број на калории, или да го држиш пулсот на срцето на одредено ниво. Со тоа ќе и дадеш задача на траката сама да го избере тренингот односно да ги менува брзината и висината. Постојат многу програми, па еве те охрабруваме да пробаш и да си го направиш тренингот неизвесен што ќе ти придонесе побрзо да пројде време.

5. Трчај на рати

Една од најголемите причини зошто луѓето се откажуваа пребрзо е тоа што не поставуваат никакви цели. Одат на вежбање за да не седат дома или затоа што се’ поправиле, или по ново “за здравје”. Ниеден резултат не доаѓа без цел и план. Затоа те советуваме прво нешто да имаш цел. Може тоа да биде процесно ориентирана (ќе трчам 5км, ќе трчам 30 минути, ќе потрошам 300 калории на трака, ќе го правам 3 пати неделно) — имам цел! Или пак дефинирана цел (да истрчам 5 км за 20 минути или да намалам 3кг месецов или 5цм во обем).

Откако ќе го направиш тоа збогати си ја рутината со тоа што ќе трчаш на пример 2 км па ќе одиш да правиш тежински тренинг или вежби за стомачни, па пак назад на траката. Ова ќе ти ја разбива монотнијата и дополнително ќе ти придонесе до поголем трошок на калории. Епа ајт сега на трчање! 🙂

Categories:

Leave a Reply

Your email address will not be published. Required fields are marked *